चिशंखुगढी गाउँपालिकाको अध्यक्षमा माओवादीका शर्मा निर्वाचित

काठमाडौँ- ओखलढुंगाको चिशंखुगढी गाउँपालिकाको अध्यक्षमा नेकपा माओवादी केन्द्रका निशान्त शर्मा निर्वाचित भएका छन् । उनका निकटतम् प्रतिद्वन्द्वी नेकपा एमालेका उम्मेदवार अशोक थापालाई हराउँदै शर्मा निर्वाचित भएका हुन् ।

शर्माले ३ हजार १९८ मत ल्याएका छन् । त्यस्तै थापाले भने २ हजार ६९१ मत पाएका छन् ।

---

त्यस्तै उपाध्यक्षमा नेपाली कांग्रेसका सन्तोषबाबु थापा निर्वाचित भएका छन् । सन्तोषबाबुले तीन हजार ११६ मत ल्याए । उनका निकटतम् प्रतिद्वन्द्वी  एमालेको तर्फबाट उपाध्यक्षकी उम्मेदवार सुस्मिका राईले दुई हजार ५० मत ल्याइन् ।