मधेश प्रदेश : जिल्लागत रूपमा दलहरूले कहाँ कति पालिका जिते ?

जनकपुरधाम – मधेश प्रदेशमा कांग्रेसले पहिलो दलको वरियता कायम राख्न सफल भएको छ भने एमालेले फड्को मार्दै दोश्रो ठूलो दल बन्न सफल भएको छ ।

प्रदेशका १३६ पालिका मध्ये गत निर्वाचनमा ४० सिट जितेको कांग्रेसले यसपटक ४६ सिट जितेकाे छ, भने एमालेले ३० सिट जित्दै दोश्रो ठूलो दल बन्न सफल भएको हाे।

---

गत ०७४ को निर्वाचनमा २६ सिट जितेर दोश्रो स्थानमा रहेका मधेशवादी दल तत्कालीन संघीय समाजवादी पार्टी हालको जनता समाजवादी पार्टी (जसपा) ले २६ सिटमा मात्र जित हासिल गरेकाे छ ।

तर गत निर्वाचनमा तेश्रो स्थानमा रहेका मधेशवादी दल तत्कालीन राष्ट्रिय जनता पार्टी (राजपा) नेपाल हालको लोकतान्त्रिक पार्टी (लोसपा) ले आफ्नो साख जोगाउन सकेको छैन । गत निर्वाचनमा २५ पालिका जितेको​ लोसपाले यसपटक मात्र १४ सिटमा खुम्चिएकाे छ ।

मधेश प्रदेशमा दलहरूले जितेको पालिका यस प्रकार रहेको छ 

धनुषा : धनुषाको १८ स्थानीय तह मध्ये नेपाली कांग्रेस १०, जसपा र एमालेले ३/३, माओवादी र स्वतन्त्रले एक/एक वटा पालिकामा जित निकालेका छन् ।  ।

कांग्रेसले लक्ष्मिनिया गाउँपालिका, धनौजी गाउँपालिका, बटेश्वर गाउँपालिका, कमला नगरपालिका, मिथिला नगरपालिका, धनुषाधाम नगरपालिका, नगराइन नगरपालिका, हंसपुर नगरपालिका, गणेशमान चारनाथ नगरपालिका र मिथिलाबिहारी नगरपलिकाको प्रमुख पदमा जित निकालेको छ ।

त्यस्तै एमालेले औरही गाउँपालिका, विदेह नगरपालिका, क्षिरेश्वरनाथ नगरपालिका सहित ३ पालिकाको प्रमुख पद जितेको छ भने जसपाले जनकनन्दनी गाउँपालिका, मुखियापट्टी मुसहरनिया गाउँपालिका र शहीदनगर नगरपालिकासहित ३ पालिकामा जित निकालेको छ ।

लोसपा र नेकपा एसले धनुषामा एक पालिका पनि जित्न सकेको छैन भने माओवादी केन्द्रले सबैला नगरपालिका मात्र र कांग्रेसका बागी उम्मेदवार मनोज साहले प्रदेशको राजधानीसमेत रहेको जनकपुरधाम उपमहानगरपालिकामा जित निकालेका छन् ।

महोत्तरी : महोत्तरी जिल्लामा कुल १५ स्थानीय तहमध्ये जसपा र लोसपाले ५/५, कांग्रेसले २ र एमाले, तमलोपा र स्वतन्त्रले १/१ पालिकामा जित हात पारेका छन्।

महोत्तरीमा लोसपाले औरही नगरपालिका, बलवा नगरपालिका, भंगहा नगरपालिका, मटिहानी नगरपालिका र सोनमा गाउँपालिकामा जितेको छ भने जसपाले एकडारा गाउँपालिका, सम्सी गाउँपालिका, पिपरा गाउँपालिका, जलेश्वर नगरपालिका र गौशाला नगरपालिकाको प्रमुख पदमा जितेको छ ।

कांग्रेसले मनरासिस्वा नगरपालिका, लोहारपट्टी नगरपालिका, तमलोपाले महोत्तरी गाउँपालिकामा जितेको छ भने बर्दिबास नगरपालिका यस पटक स्वतन्त्र उम्मेदवार कांग्रेसका बागी प्रहलाद क्षेत्रीले जित निकालेका छन् ।

सर्लाही : सर्लाहीको २० पालिका मध्ये कांग्रेसले १२, माओवादी केन्द्रले ४, जसपाले २, एमाले र लोसपाले एक/एक पालिकाको प्रमुख पद जितेको छ ।

कांग्रेसले ईश्वरपुर नगरपालिका, मलंगवा नगरपालिका कविलासी नगरपालिका, लालबन्दी नगरपालिका, हरिपुर नगरपालिका, हरिपुर्वा नगरपालिका, विष्णुपुर गाउँपालिका, ब्रम्हपुरी गाउँपालिका, चन्द्रनगर गाउँपालिका, धनकौल गाउँपालिका, पर्सा गाउँपालिका र कौडोना गाउँपालिकाको प्रमुख पद जितेको छ ।

त्यस्तै माओवादी केन्द्रले बलरा नगरपालिका, बागमती नगरपालिका, हरिवन नगरपालिका, रामनगर गाउँपालिकामा जितेको छ भने एमालेले बरहथवा नगरपालिका, जसपाले चक्रघटा गाउँपालिका, बसबरिया गाउँपालिका र लोसपाले गोडैता गाउँपालिकामा जितेको छ ।

रौतहट : रौतहट जिल्लाको १८ पालिका मध्ये कांग्रेसले सबैभन्दा बढी ७, नेकपा एसले ४, एमाले ३, लोसपाले २, माओवादी र जसपाले १/१ पालिकामा जितेको छ ।

कांग्रेसले जिल्लाको राजपुर नगरपालिका, कटहरिया नगरपालिका, चन्द्रपुर नगरपालिका, परोहा नगरपालिका, फतुवा विजयपुर नगरपालिका गढीमाई नगरपालिका र माधवनारायण नगरपालिकामा जितेको छ भने नेकपा एसले वृन्दावन नगरपालिका, गौर नगरपालिका, बौधीमाई नगरपालिका, राजदेवी नगरपालिकामा जितेको छ ।

त्यस्तै लोसपाले ईशनाथ नगरपालिका, राजदेवी नगरपालिका, एमालेले गरुडा नगरपालिका, देवाही गोनाही नगपालिका, मौलापुर नगरपालिका, जसपाले गुजरा नगरपालिकाको प्रमुख पदमा जितेको छ ।

बारा : बारा जिल्लाको १६ पालिका मध्ये एमालेले ५, कांग्रेस ४, जसपाले ३, लोसपाले २, माओवादी र विवेकशील साझा पार्टीले १/१ वटा पालिकामा जितेको छ ।

निर्वाचन आयोगद्वारा सार्वजनिक तथ्यांक अनुसार एमालेले कलैया उपमहानगरपालिका, निजगढ नगरपालिका, पचरौता नगरपालिका, परवानीपुर गाउँपालिका, प्रसौनी गाउँपालिकाको प्रमुख पदमा जितेको छ भने कांग्रेसले आदर्श कोतवाल गाउँपालिका, कोल्हवी नगरपालिका, महागढीमाई नगरपालिका, सुवर्ण गाउँपालिकामा जितेको छ ।

त्यस्तै जसपाले करैयामाई गाउँपालिका, देवताल गाउँपालिका, बारागढी गाउँपालिका, लोसपाले सिम्रौनगढ नगरपालिका, विश्रामपुर गाउँपालिका, माओवादीले जीतपुरसिमरा उमहानगरपालिका र विवेकशील साझा पार्टीले फेटा गाउँपालिकाको प्रमुख पदमा जितेको छ ।

पर्सा : पर्सा जिल्लाको १४ पालिका मध्ये एमालेले ५, कांग्रेस र जसपाले ४/४, लोसपाले एक पालिका जितेको छ । आयोगको सार्वजनिक तथ्यांक अनुसार एमालेले छिपहरमाई गाउँपालिका, ठोडी गाउँपालिका, पर्सागढी नगरपालिका, पोखरिया नगरपालिका र सखुवा प्रसौनाी गाउँपालिकामा जितेको छ ।

त्यस्तै जसपाले वीरगञ्ज महानगरपालिका सहित बहादुरमाई नगरपालिका, कालिकामाई गाउँपालिका, धोबिनी गाउँपालिका, कांग्रेसले जगरनाथपुर गाउँपालिका, जिराभवानी गाउँपालिका, पकहा मौनपुर गाउँपालिका, पटेर्वा सुगौली गाउँपालिका र लोसपाले विन्दवासिनी गाउँपालिकामा जित निकालेको छ ।

सप्तरी : सप्तरी जिल्लाको १८ पालिका मध्ये कांग्रेसले सबभन्दा बढी ५, सबभन्दा कम माओवादी र नेकपा एसले १/१, एमाले, लोसपा र जसपाले ३/३ पालिकामा जितेको छ भने डा. सिके राउत नेतृत्वको नवगठित पार्टी जनमतले समेत २ वटा पालिकामा जित निकालेको छ ।

आयोगको तथ्यांक अनुसार कांग्रेसले कञ्चनरुप नगरपालिका, तिरहुत गाउँपालिका, तिलाठी कोइलाडी गाउँपालिका, सप्तकोशी नगरपालिका र सुरुङ्गा नगरपालिकामा जितेको छ भने माओवादीले खडक नगरपालिका र नेकपा एसले शम्भुनाथ नगरपालिकामा जित निकालेको छ ।

त्यस्तै जसपाले बोदे बरसाईन नगरपालिका, राजविराज नगरपालिका, विष्णुपुर गाउँपालिका, लोसपाले छिन्नमस्ता गाउँपालिका, महादेवा गाउँपालिका, रुपनी गाउँपालिका, एमालेले अग्नीसाईर कृष्णसवरन गाउँपालिका, डाक्नेश्वर नगरपालिका, राजगढ गाउँपालिका र जनमतले हनुमाननगर गाउँपालिका, बलान बिहुल गाउँपालिकामा जितेको छ ।

सिरहा : सिरहा जिल्लाको १७ पालिका मध्ये सबैभन्दा बढी एमालेले ९ वटा पालिका जितेको छ भने जसपाले ४, कांग्रेस २, नेकपा एस र माओवादीले १/१ वटा पालिकामा जित निकालेको छ ।

जिल्लामा सबभन्दा बढी सिट जित्ने एमालेले कर्जन्हा नगरपालिका, कल्याणपुर नगरपालिका, गोलबजार नगरपालिका, धनगढी नगरपालिका, सिरहा नगरपालिका, सुखीपुर नगरपालिका, विष्णुपुर गाउँपालिका, नरहा गाउँपालिका र भगवानपुर गाउँपालिकामा जित निकालेको छ ।

त्यस्तै जसपाले अर्नमा गाउँपालिका, औरही गाउँपालिका, नवराजपुर गाउँपालिका, बरियारपट्टी गाउँपालिका, कांग्रेसले लक्ष्मीपुर पतारी गाउँपालिका, लहान नगरपालिका, नेकपा एसले सुखवानान्कारपट्टी गाउँपालिका र माओवादीले मिर्चैैया नगरपालिकाको प्रमुख पदमा जितेको छ ।