जिसस धनुषामा कांग्रेसका पुरै प्यानल निर्विरोध

जनकपुरधाम - जिल्ला समन्वय समिति धनुषामा प्रमुखसहित पुरै प्यानल नेपाली कांग्रेसकै उम्मेदवार निर्विरोध निर्वाचित भएका छन् । बुधबार जिससका प्रमुख, उपप्रमुखसहित सदस्यहरूमा कांग्रेसले मात्र मनोनयन परेपछि सबै निर्विरोध निर्वाचित भएका हुन् । 

 धनुषाका मुख्यनिर्वाचन अधिकृत ब्रजेश प्याकुरेलका अनुसार प्रमुखमा राजनन्द मण्डल राज, उपप्रमुखमा संगितादेवी ठाकुर निर्वाचित भएका छन् । 

---

यस्तै सदस्यहरूमा इश्वरीप्रसाद शर्मा, डम्बरबहादुर थापा मगर, फगु यादव, महिला सदस्यमा गीतादेवी यादव, विकादेवी मिजार, सोनिता देवी सदा र दलित वा अल्पसंख्यक सदस्यमा महेन्द्र महतोले मात्र उम्मेदवारी दर्ता गराएको अधिकृत प्याकुरेलले जानकारी दिए । 

उनले जिससका लागि ९ जनाको आवश्यक रहेकोमा ९ जना कांग्रेसकै  मात्र उम्मेदवारी परेको बताए । यद्यपि उनीहरूलाई निर्विरोध घोषणा गरिसकिएको छैन ।