प्रदेश प्रमुखद्वारा विधेयक प्रमाणीकरण

जनकपुरधाम- मधेस प्रदेशका प्रदेश प्रमुख हरिशंकर मिश्रले प्रदेश सभाबाट पारित प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयक २०७९ लाई प्रमाणीकरण गरेका छन् ।

प्रदेश प्रमुख मिश्रले आज सो विधेयक प्रमाणीकरण गरेको प्रदेश प्रमुखको कार्यालयले जनाएको छ । प्रदेश सभाको बैठकले गत असार २६ गते उक्त विधेयक पारित गरी प्रमाणीकरणको लागि प्रदेश प्रमुखको कार्यालयमा पठाएको थियो ।

---

विधेयक प्रमाणीकरण भएसँगै सरकारको आर्थिक प्रणाली व्यवस्थित र प्रभावकारी हुने विश्वास गरिएको छ ।