लुकामारी खेल्ने क्रममा सर्पले टोकेर बालकको मृत्यु

सिराहा- सर्पको टोकाइबाट सिराहामा एक जना बालकको मृत्यु भएको छ। साथीहरूसँग घरमै लुकामारी खेल्ने क्रममा केराबारीमा लुक्न गएका बेला सर्पले टोक्दा गोलबरजार नपा-३ जमदह भाङ्गवारीका नथुनी सदाका ६ वर्षीय छोरा अनिल सदायको मृत्यु भएको हो।

सर्पले डसेर सिकिस्त भएका उनलाई उपचारको लागि चोहर्वास्थित जयकाली सर्पदंश केन्द्र पुर्‍याए पनि बाटाेमै मृत्यु भएकाे बताइएको छ।

---

खेलिरहेका बेला सर्पले टोकेको भए पनि बालकले थाहा नपाएका कारण उनी सिकिस्त भएपछि मात्रै घरपरिवारले थाहा पाएको स्थानीय नरबहादुर थापाले जानकारी दिए।

उनी गाउँकै सरस्वती माध्यमिक विद्यालयमा बालविकासमा पढ्दै थिए।