चार हजार रुपैयाँ घूससहित प्रहरी वरिष्ठ नायब निरीक्षक पक्राउ

जनकपुरधाम- धनुषाको सीमा प्रहरी कार्यालय जटहीका प्रमुख वरिष्ठ प्रहरी नायब निरीक्षक देवकीलाल चौधरी घूससहित पक्राउ परेका छन् ।

चौधरीलाई ४ हजार रुपैयाँ घूससहित अख्तियार दुरुपयोग अनुसन्धान आयोग बर्दिबासबाट खटिएकाे टोलीले पक्राउ गरेको हो ।

---

बिहीबार अख्तियारको टोलीले उनलाई जिल्लाको नगराईन नगरपालिका वडा नम्बर २ जटहीस्थित विनायक इन्टरप्राइजेज (मदिरा पसल) बाट पक्राउ गरिएको आयोगको बर्दिबास कार्यालयका सूचना अधिकारी कृष्णप्रसाद हुमागाईले जानकारी दिए ।

उनले भने, 'गोप्य सूचनाको आधारमा हामीले भनेकाे ठाउँमा जाँदा प्रमुख वरिष्ठ प्रहरी नायब निरीक्षक चौधरीलाई घूसको चार हजार रुपैयाँसहित रंगेहात पक्राउ गरेका हौँ ।'