रुघा र ज्वरोले ग्रसित गाउँपालिका अध्यक्ष नथुनीको निधन

वीरगञ्‍ज : पर्साको कालीकामाई गाउँपालिकाका अध्यक्ष नथुनी प्रसाद कुशवाहाको निधन भएको छ । कालीकामाई गाउँपालिका-२ भेडिहारी निवासी ७९ वर्षीय कुशवाहाको शुक्रबार बिहान २ बजेतिर निधन भएको गाउँपालिकाका कार्यालयले जनाएको छ ।

विगत केही दिनदेखि रुघाखोकी र ज्वरोले ग्रसित कुशवाहाको स्वास्थ्य अवस्था बिग्रएपछि अस्पताल लैजाने क्रममा बोटोमै मृत्यु भएको उपाध्यक्ष राजेश कुमार चौरसियाले जानकारी दिए । कुशवाहा २०७४ मा भएको स्थानीय तहको निर्वाचनमा तत्कालीन जनता दलबाट कालीकामाई गाउँपालिकाको अध्यक्षमा निर्वाचित भएका थिए ।

---