मधेश प्रदेशको सभामुखमा एमालेका मण्डल निर्वाचित

जनकपुरधाम- मधेश प्रदेशसभाको सभामुखमा नेकपा एमालेका रामचन्द्र मण्डल निर्वाचित भएका छन् ।

मंगलबार प्रदेशसभामा भएको निर्वाचनमा हाल १०५ जना सांसद कायम रहेकोमा १०३ सांसदले मतदान गरेका थिए । मण्डलको पक्षमा ७४ मत आएको थियो भने उनको विपक्षमा २९ मत परेको हो । मण्डललाई कांग्रेस र नेकपा एसका सांसदबाहेक बाँकी प्रदेशसभा सदस्यहरूले मत दिएका छन् ।

---

सभामुखमा मण्डल निर्वाचित भएकाले सभामुखको अर्को प्रस्ताव खारेज भएको छ । सभामुखका लागि नेपाली कांग्रेसबाट जंगीलाल राय उम्मेदवार बनेका थिए ।