बसको ठक्करबाट मोटरसाइकल चालकको मृत्यु

जनकपुरधाम : सर्लाहीमा बसले मोटरसाइकललाई ठक्कर दिँदा एक जनाको मृत्यु भएको छ । प्रहरीका अनुसार जिल्लाको गोडैता नगरपालिका-५ रामबर अगाडि गडहियाबाट हरकठवा तर्फ जँदै गरेको ना ४ ख १०८९ नम्बरको बसले सोही तर्फ जाँदै गरेको अनटेस्ट मोटरसाइकललाई ठक्कर दिँदा मोटरसाइकल चालकको मृत्यु भएको हो ।

सो दुर्घटनामा रौतहटको गढीमाई नगरपालिका वडा-८ का करिब २६ वर्षीय जयचन्द्र साहको मृत्यु भएको छ भने मोटरसाइकलमा सवार रहेका अन्य दुई जना घाइते भएको जिल्ला प्रहरी कार्यालय सर्लाहीका प्रहरी निरीक्षक कृष्ण गिरीले जानकारी दिएका छन् ।  

---