करेन्ट लागेर एक बालकको मृत्यु

जनकपुरधाम : करेन्ट लागेर सर्लाहीमा एक ११ वर्षिय बालकको मृत्यु भएको छ । प्रहरीका अनुसार मृत्यु हुनेमा जिल्लाको लालबन्दी नगरपालिका १० चन्द्रपुरका सुभाष बराईलीका ११ वर्षीय छोरा सुमन बराईली रहेका छन् ।

टिभी चलाउने क्रममा करेन्ट लागेर ती बालकको मृत्यु हुन गएको जिल्ला प्रहरी कार्यालय सर्लाहीका प्रवक्ता प्रहरी नायव उपरीक्षक मदन कुँवरले जानकारी दिएका छन् । पारिवारिक स्रोतलाई उदृत गर्दै प्रवक्ता कुँवरले भने,'टिभी चलाउन विद्युतिय ज्याक जोडने क्रममा करेन्ट लागेर घाइते भएका ती बालकको उपचारको क्रममा स्थानीय अस्पतालमा मृत्यु भएको हो ।'

---