फलामे छड बोकेको ट्याक्टरमा ठोक्किएर सैनिक जवानको मृत्यु

रौतहट- वीरगञ्‍ज–कलैया सडकखण्डमा रड बोकेको ट्रयाक्टरको पछाडि ठोक्किदा एक जना सैनिक जवानको मृत्यु भएको छ। 

वीरगञ्‍जबाट रड बोकेर रौतहटको देवाहि गोनाही आउँदै गरेको ना ५ त ८२५० नम्बरको ट्याक्टरमा गएराति मोटसाइकल ठोक्किँदा सवारी चालक सैनिक जवानको मृत्यु भएको हो ।  

---

चितवनबाट आफ्नो घर फर्किने क्रममा कलैया उपमहानगरपालिका– १६ का राजनकुमार रामले चलाएको मोटरसाइकल बाराको सिसहनीया चोक नजिकै करिब ९ बजे ठोक्किएको थियो । प्रहरीका अनुसार टयाक्टरमा ठोक्किएका सैनिक जवान रामको शरिर भरी रड छिरेको छ । 

उनी चितवनस्थित नेपाली सेनाको ब्यारेकमा कार्यरत रहेको खुल्न आएको छ ।

सो घटनापछि मृतकलाई पोष्टमार्टमको लागि जिल्ला अस्पताल कलैया पठाइएको तथा ट्याक्टर चालक रौतहट देवाहि गोनाही– ६ टिकुलियाका ३० वर्षीय रमेश तिवारीलाई नियन्त्रणमा लिइएको छ ।