रौतहटमा धारिलो हतियार प्रहारबाट एक घाइते

रौतहट- धारिलो हतियार प्रहारबाट एक युवक घाइते भएका छन् । जिल्लाको फतुवा विजयपुर नगरपालिका-८ का वर्षीय २६ काो युवक शम्भु राम धारिलो हतियार प्रहारबाट घाइते भएका हुन् ।

शनिबार बेलुका ६:३० बजेतिर पुरानो रिसइवीको कारण राममाथि धारिलो हतियार प्रहार गरिएको ईलाका प्रहरी कार्यालय विजयपुर लक्ष्मीनियाका प्रहरी निरिक्षक अरविन्द कुमार साहले बताए ।
धारिलो हतियार प्रहार गर्ने स्थानीय सदरे आलम प्रहरी नियन्त्रणमा रहेको उनले जानकारी गराए । 

---

रामको दायाँ कोखमा हतियार प्रहार गरिएको छ । घाइते रामको उपचार नेशनल हस्पिटल विजयपुरमा भइरहेको छ । 

घटना विषयमा थप अनुसन्धान गरिरहेको जिल्ला प्रहरीले जानकारी गराएको छ । मोहरम (दाहा) पर्व मनाउने क्रममा दुवै जनाबीच विवाद भएको प्रहरीले जनाएको छ ।