क्यान मधेशमा प्रदेश सांसद सिंह पनि सदस्य

जनकपुरधाम- नेपाल क्रिकेट संघ (क्यान) को मधेश प्रदेश समितिमा सदस्यमा सप्तरीबाट प्रत्यक्ष र लोकप्रिय मतका साथ निर्वाचित एक प्रदेश सांसद पनि बनेका छन् । सुनिल महासेठको अध्यक्षतामा गठन भएको क्यानको नयाँ मधेश प्रादेश समितिमा जनमत पार्टीबाट प्रत्यक्ष निर्वाचित प्रदेशका सांसद सतिशकुमार सिंह सदस्य बनेका हुन् ।

सपथ ग्रहण समारोहमा बाँकी सदस्यहरू क्यानको जर्सीमा सांसद सिंहले सपथ सपथ ग्रहण गरेका छन् । तर, केही पूर्वले खेलाडीले उनको आबद्धताले आलोचना जनाएका थालेका छन् । एक पूर्व खेलाडी भन्छन्, ‘उहाँ त जनताबाट जितेर माननीय भएको मान्छे प्रदेशसभा, सम्बन्धित संसदिय समिति र सरकारबाटै पनि क्यान र खेलकुदका लागि धेरै गर्न सक्ने क्षमता भएको पदमा हुनुहुन्छ, खै किन सदस्य बन्नु भो ?’

---

यसलाई सकारात्मक पनि लिन सकिने भन्दै उनले भने, ‘उहाँको आबद्वता क्यानको हितमा मात्रै होइन क्यानको सफलता र असफलता दुवैमा अब उहाँको विशेष जिम्मेवारी र दायित्व पनि अध्यक्ष भन्दा बढी हुने छ ।’ कतिपयले भने उनी पूर्व सदस्य समेत रहेको र यो गैर नाफामूलक, सेवामूलक संस्था भएकाले सदस्य हुँदा अन्यथा लिन नहुने बताउँछन् ।

सांसद सिंहले यसबारे भने, ‘प्राटोकलले पनि खासै सम्बन्ध राख्दैन, म क्यानको आजीवन सदस्य पनि हो, पदाधिकारीमा पनि मलाई आग्रह गरिएकै हो, समय अभावको हिसाबले म आफैँ सदस्य भएको हुँ । भारतीय क्रिकेट काउन्सिलमा पनि ठूला ठूला नेताहरूको आबद्धता रहेको भन्दै अन्यथा लिन नहुने बताए ।