मोटरसाइकल दुर्घटनामा प्रहरी जवानको मृत्यु

बारा : बारामा मोटरसाइकल दुर्घटनामा परी एक प्रहरी जवानको मृत्यु भएको छ । मृत्यु हुनेमा कलैया उपमहानगरपालिका १ घर भई पर्साको प्रहरी चौकी खेसराहामा कार्यरत २७ वर्षीय राजकिशोर साह रहेको जिल्ला प्रहरी कार्यालय बाराले जनाएको छ ।

बाराको महागढीमाई नगरपालिका ८ जोलगाभा थलही पुल नजिकै अनियन्त्रित भई मोटरसाइकल दुर्घटना भएको थियो । लङ्गडाचोकबाट बरियारपुर तर्फ गइरहेको ना ६२प.३६७ नम्बरको मोटरसाइकल दुर्घटना हुँदा साहको घटनास्थलमै मृत्यु भएको बाराका प्रहरी प्रवक्ता गौतम मिश्रले जानकारी दिए ।

---

सोही मोटरसाइकलमा सवार १८ वर्षीय सञ्जय प्रसाद यादव घाइते भएका छन भने उनको उपचार स्थानीय अस्पतालमा भइरहेको जनाइएको छ ।