पाेखरीमा डुबेका बालिकाका परिवारलाई गाउँपालिकाको राहत

जनकपुरधाम : गत साता धनुषाकाे मुखियापट्टी मुसहरनिया गाउँपालिकामा पाेखरीमा डुबेर मृत्यु भएका बालिकाका परिवारलाई गाउँपालिकाले राहत उपलब्ध गराएकाे छ । गाउँपालिका अध्यक्ष मनाेज यादवले आइतबार प्रत्येक मृतकका परिवारलाई १ लाख ५१ हजार रूपैयाँका दरले राहत उपलब्ध गराएका हुन् ।

पीडित परिवारलाई अध्यक्ष यादवले घरमै पुगेर चेक हस्तान्तरण गरेका हुन् । मृतक बालिका लक्ष्मिनिया यादवका बुवा पल्टु यादव, चन्द्राकुमारी भगतका बुवा जोगिन्द्र भगत, मन्जु पुर्वेकाे बुवा राजगीर पुर्वे, चान्दनी ठाकुरका हजुर बुवा जगरनाथ ठाकुर र ललिता साहका बुवा उत्तिम साहलाई साे राहत स्वरूपकाे चेक हस्तान्तरण गरिएको छ । 

---

गत शुक्रबार धनुषाको मुखियापट्टी मुसरह्निया गाउँपालिका-६ लक्ष्मीपुर गाउँमा पाेखरीमा नुहाउन गएकी १२ वर्षिया लक्ष्मिनिया यादव, १० वर्षिय चन्द्राकुमारी भगत, १३ वर्षिय मन्जु पुर्वे, १२ वर्षिय चान्दनी ठाकुर र १२ वर्षिय ललिता साहसहित स्थानीय पाँच जना बालिकाकाे डुबेरका थिए ।