ओली सरकार इतिहासकै अराजक  :  भण्डारी

जनकपुरधाम : जनता समाजवादी पार्टीका नेता शरदसिंह भण्डारीले केपी शर्मा ओली नेतृत्वको वर्तमान सरकार इतिहासकै सबभन्दा बढी कलंकित र अराजक भएको आरोप लगाएका छन् ।

विद्यापति स्मृति दिवसमा शनिबार जनकपुरधाममा आयोजित कार्यक्रममा भण्डारीले भने, 'आफ्नो ४० वर्षको राजनीतिक यात्रामा यति भ्रष्ट, अनुशासनहीन र अराजक सरकार देखेको थिएन ।'

---

उनले भने ओली नेतृत्वको सरकार काम गर्नुको सट्टा भ्रष्टाचारमा लिप्त भएको कारण उनकै पार्टीमा विरोध सुरु भएको बताए । कानुनी व्यवस्थालाई निरन्तरता दिने उद्देश्यका साथ नेपाली जनताले सहज बहुमत दिएपनि त्यसको सदुपयोग नगरी भ्रष्टाचार र अनुशासनहिनतामा सरकार लिप्त रहेको बताए । 

भण्डारीले देशमा शक्ति विकेन्द्रिकरणका लागि जनताले संघीयता ल्याएपनि सरकारको नियतमा शंका लागि रहेको उल्लेख गर्दै संविधानको संरक्षण गर्ने सरकार नै ध्वस्त पार्ने षडयन्त्रमा लागेको आरोप लगाए ।

प्रदेश २ को नामाकरणका सन्दर्भमा भण्डारीले अहिलेसम्म नामाकरण गर्न नसक्नु दुःखद रहेको बताए । प्रदेशको नामाकरण पहिचान, भूगोल, भाषा र संस्कृतिसँग तालमेल हुनेगरी गर्नु पर्ने बताए ।