लागूऔषध गाँजासहित सिरहाबाट एक व्यक्ति पक्राउ

जनकपुरधाम – लागूऔषध गाँजासहित प्रहरीले सिरहाबाट एक व्यक्तिलाई पक्राउ गरेको छ । इलाका प्रहरी कार्यालय लहान र प्रहरी चौकी लहानबाट खटिएको संयुक्त प्रहरी टोलीले गोप्य सूचनाको आधारमा ती व्यक्तिलाई पक्राउ गरेको हो । 

पक्राउ पर्नेमा लहान नगरपालिका १७ गोविन्दपुर बस्ने ४० वर्षीय वागेश्वर चौधरी रहेका छन् । उनका साथबाट प्रहरीले दस किलो गाँजासमेत बरामद गरेको छ । सोमबार वागेश्वरको घरमा खानतलासी गर्दै प्रहरीले लुकाएर राखेको अवस्थामा दस किलो गाँजा बरामद गरेको जिल्ला प्रहरी कार्यालय सिरहाले जनाएको छ ।

---

अवैध लागूऔषध गाँजासहित पक्राउ परेका वागेश्वरलाई नियन्त्रणमा लिई थप अनुसन्धान कार्य अघि बढाइएको जिप्रका सिरहाले जनाएको छ ।