लागूऔषधसहित दुई जना पक्राउ

लहान- प्रतिबन्धित लागूऔषधसहित प्रहरीले गोलबजार नगरपालिका-३ गागन पुलबाट दुई जनालाई पक्राउ गरेको छ । 

पक्राउ पर्नेमा सिरहाको बरियारपट्टि गाउँपालिका-३ का २२ वर्षीय प्रमोदकुमार यादव र सुखीपुर नगरपालिका-१० का २८ वर्षीय धनजीत यादव रहेका छन् ।  

---

इलाका प्रहरी कार्यालय गोलबजारबाट खटिएको टोलीले उनीहरुको साथबाट लागूऔषध नाइट्रोभेट ट्याबलेट ९०० पिस, अनटेष्ट पल्सर मोटरसाइकल एक थान, मोबाइल दुई थान र रु तीन हजार ३४६ समेत बरामद गरेको जनाएको छ ।