ब्राउन सुगरसहित तीन जना पक्राउ

जनकपुरधाम- प्रहरीले सिरहाको लहानबाट अवैध लागूऔषध ब्राउन सुगरसहित तीन जनालाई पक्राउ गरेको छ ।

बिहीबार साँझ प्रदेश नं २ प्रहरी कार्यालय र ईलाका प्रहरी कार्यालय लहानबाट संयुक्त रुपमा खटिएको प्रहरी टोलीले लहानमा चेकजाँचको क्रममा ८ ग्राम लागू औषध ब्राउन सुगरसहित पक्राउ गरिएको प्रदेश प्रहरी कार्यालयले जनाएको छ ।

---

पक्राउ पर्नेहरूमा लहान नगरपालिका २४ मनिकदह बस्‍ने वर्ष १८ को मनदिप विश्वकर्मा, वडा नं. ५ बस्‍ने वर्ष ५२ को रामदेव यादव र वडा नं. ५ बस्‍ने वर्ष २५ को दिपेन्द्र यादव रहेको प्रदेश प्रहरी कार्यालयले जनाएको छ ।

पक्राउ परेकाहरूलाई नियन्त्रणमा लिएर ईलाका प्रहरी कार्यालय लहानबाट थप अनुसन्धान भइरहेको जनाइएको छ ।