भन्सार नजिक डोरीले बाँधेको अवस्थामा भेटियो युवतीको शव

जनकपुरधाम : धनुषाको जटहीस्थित नेपाल भारत सीमामा रहेको भन्सार नजिक एक युवतीको शव फेला परेको छ । प्रहरीकाअनुसार धनुषाको नगराइन् नगरपालिका २ दुर्गापट्टीस्थित जटही बोर्डरमा रहेको भन्सार नजिक युवतीको शव फेला परेको हो । शवको पहिचान हुन सकेको छैन । 

दुर्गापट्टी धार नजिक परालको कुइनो नजिकै सडेको अवस्थामा डोरीले बाँधिएको शव फेला परेको सीमा प्रहरी चौकी जटहीले जनाएको छ । घाँस काट्न गएका केही स्थानीयले शव देखेपछि प्रहरीलाई खबर गरेका थिए ।

---

जटही भन्सारदेखि ५ सय मिटर पूर्वनेपाल भारतको सीमामा डोरीले बाँधिएको अवस्थामा २०/२२ वर्षीया युवतीको शव फेला परेको सीमा प्रहरी चौकी जटहिका इन्चार्ज प्रहरी सहायक निरीक्षक मनु श्रेष्ठले जानकारी दिए ।

युवतीकोे कसैले हत्या गरेर फालेको हुनसक्ने प्रारम्भिक अनुसन्धानमा देखिएको उनले बताए । शवलाई पोष्टमार्टमका लागि प्रादेशिक अस्पताल जनकपुरमा ल्याइएको छ भने घटना बारे थप अनुसन्धान भइरहेको प्रहरीले जनाएको छ ।