दाहाल महोत्तरी जाँदै, रामगोपालपुर नगरपालिकाले दियो सार्वजनिक बिदा

काठमाडौँ- नेकपा माओवादी केन्द्रका अध्यक्ष पुष्पकमल दाहाल आज महोत्तरी जाँदैछन् । स्वास्थ्य संस्थाको उद्‌घाटनका लागि दाहाल आज महोत्तरी जान लागेका हुन् ।

महोत्तरीको रामगोपालपुर नगरपालिकाले दाहालले स्वास्थ्य संस्थाको उद्घाटन गर्ने कार्यक्रमका लागि सार्वजनिक बिदा दिने निर्णय गरेको छ ।

---

नगरपालिकाले आधारभूत स्वास्थ्य केन्द्रहरू वडा नम्बर २,३,४,६,७, ८ र ९ को उद्घाटनका लागि दाहाल महोत्तरी पुग्ने कार्यक्रम रहेका कारण सार्वजनिक बिदा दिएको जनाएको छ । साथै नगरपालिकाले उद्घाटन कार्यक्रममा उपस्थित भएर शोभा बढाईदिन आग्रह समेत गरेको छ ।