मन्त्री साह सवार गाडीको ढक्करबाट पैदलयात्रु घाइते

जनकपुरधाम : शहरी विकास मन्त्री प्रभु साहले चढेको गाडीको ठक्करबाट पैदलयात्रु घाइते भएका छन् । शनिवार रौतहटबाट महोत्तरी जादै गरेको मन्त्री साह सवार गाडीको ठक्करबाट सर्लाहीको हरिवनमा लालबन्दी-८ चन्द्रपुरका ३० वर्षीय बच्चु तामाङ घाइते भएका हुन् । 

मन्त्री साह सवार ना १ झ ३८४२ नम्बरको गाडीको ठक्करबाट पूर्व-पश्‍चिम राजमार्गअन्तर्गत सर्लाहीको हरिवनमा तामाङ घाइते भएको सर्लाहीका प्रहरी उपरीक्षक सन्तोषसिंह राठौरले जानकारी दिए ।

---

ठक्कर पश्‍चात मन्त्री साह घाइतेको उध्दार नगरी गाडी लिएर फरार भएपछि स्थानीय प्रहरीको टोलीले घाइतेलाई उपचारको लागि अस्पताल पुर्‍याएको प्रत्यक्षदर्सी हरिस बनियाँले जानकारी दिए । घटना पश्‍चात केहीबेर मन्त्रीले गाडी रोकेपनि स्थानीय र बटुवा जम्मा हुन लागेपछि गाडी लिएर मन्त्री साह फरार भएको बानियाँले सञ्‍चारकर्मीहरूसँग बताए ।

तर, मन्त्री साहले भने आफू सवार गाडीको ठक्करबाट कोही पनि घाइते नभएको बताएका छन् । मन्त्री सवार गाडीको ठक्करबाट पैदलयात्रु घाइते भएको भन्‍ने समाचार भ्रामक भएको मन्त्री साहले बताएका छन् । तर हरिवनकै स्थानिय बानियाँले भने सिसिटिभी फुटेज सामाजिक सञ्‍जालमा राखेर मन्त्रीले झुठो बोलेको दाबी गरेका छन् । 

घाइतेको अहिले स्थानीय अस्पतालमा उपचार भइरहेको छ ।