हिलोमा गाडिएको अवस्थामा भेटियो महिलाको शव

जनकपुरधाम : जनकपुरधाम उपमहानगरपालिका १३ पिडारी पछबारी टोलमा एक महिलाको शव हिलोमा गाडिएको अवस्थामा फेला परेको छ । जनकपुरधामबाट कुर्था जाने सडक छेउमा रहेको हिलोमा अन्दाजी ३५/४० वर्षीया महिलाको नग्न अवस्थाको शव फेला परेको हो ।

जिल्ला प्रहरी कार्यालय धनुषाका प्रवक्ता प्रहरी नायब उपरीक्षक मकेन्द्र कुमार मिश्रका अनुसार मृतक महिलाको  घाँटीमा केही निलडाम रहेको छ । उनको हत्या भएको हुनसक्ने प्रहरीले आशंका गरेको छ। घटनाबारे थप  अनुसन्धान भइरहेको उनले बताए। स्थानीयले महिलाको शव देखेपछि प्रहरीलाई खबर गरेका थिए । 

---