उद्योपति चौधरीको ‘काँग्रेसमा गरी खाने अभियान’ सुरु

वीरजञ्‍ज : उद्योपति विनोद चौधरीले नेपालमा लगानीको वातावरण र रोजगारीको सृजना गर्नुपने बताएका छन् ।  चौधरीले देशभित्र रहेको लगानी, आपुर्ती र उत्पादनबीचको खाडललाई पुर्ती गर्न गरी खाने अभियान सुरु गरिएको बताए । 

लगानीको वातावरण बनाएर रोजगारीको सृजना नगरेमा भोलि अझ कठिन हुन सक्ने र देश सामाजिक द्वन्द्वको बाटोमा जाने बताए । कांग्रेसको लगानी रहेको पूर्वाधार र रोजगार विशेष समितिले वीरगन्जमा बिहीबार आयोजना गरेको पत्रकार सम्मेलनमा समितिका संयोजक चौधरीले बेरोजगारी र सप्लाई चेनको अवस्थालाई बदल्न अभियान थालिएको बताए । 

---

युवा जमातलाई कसरी अभिप्रेरित गरेर अगाडी बढाउने भन्‍ने उद्देश्यले अभियान थालिएको उनको भनाइ छ । युवाहरूको सकारात्मक सोचलाई व्यवस्थित प्रणालीबाट अगाडी बढाउन आवश्यक रहेकाले एउटा प्लेटफर्म तयार गर्ने उद्देश्यसहित गरिखाने अभियान सुरु गरेको जानकारी चौधरीले दिए । 

कोरोना भाइरस (कोभिड-१९) महामारीले अहिले आपूर्ति श्रृंखला तोडिएको अवस्थामा अब देशमै आफैले केही उत्पादन गर्नुपर्छ भन्‍ने पाठ सिकाएकोले पनि गरिखाने अभियानले यसको लागि सात वटै प्रदेशमा संरचना निर्माण गर्ने उनले बताए ।