चिट चोर्न नोटबुक फोटोकपी गरेर बेच्‍ने पाँच जना पक्राउ

जननकपुरधाम : सिटीइभिटीअन्तर्गत प्राविधिक शिक्षातर्फको परीक्षाको चिट चोर्न प्रश्नउत्तरसहितको नोटबुक फोटोकपी बनाएर बेचेको आरोपमा प्रहरीले ५ जनालाई पक्राउ गरेको छ । विद्यार्थीले दिएको जानकारी आधारमा जनकपुरधामको भौरव चौक र विद्यापति चौकबाट उनीहरूलाई पक्राउ गरिएको हो । पक्राउ परेका पाँचै जना फोटोकपी सेन्टर सन्चालक हुने । उनीहरूको परिचय भने प्रहरीले खुलाएको छैन । 

जिल्ला प्रहरी कार्यालय धनुषाका प्रवक्ता मकेन्द्र मिश्रका अनुसार उनीहरूले ठूलो साइजको नोटबुक र विभिन्न प्रकाशनको प्रश्नउत्तर गाईडलाई चिट चोर्न सजिलो पार्न सानो साइजमा फोटो कपी गरेर बेचिरहेका थिए ।

---