होटेल सञ्चालकसहित ८ जुवाडे पक्राउ

जनकपुरधाम : धनुषा प्रहरीले जनकपुरधामबाट एक होटल संचालकसहित ८ जना जुवाडे पक्राउ गरेकाे छ । जनकपुरधाम उपमहानगरपालिका ४ स्थित राजदेवी मन्दिर पछाडि एक होटलबाट जुवा खेलिरहेको अवस्थामा नगदसहित उनीहरूलाई पक्राउ गरेको हो ।

गोप्य सूचनाको आधारमा एक होटेलबाट होटल संचालक दिलिपसहित  एक लाख ६३ हजार ६ सय रुपैयाँको साथमा तिनीहरुलाई पक्राउ गरिएको कुरा प्रहरी प्रवक्ता एवं प्रहरी नायव उपरीक्षक मकेन्द्र कुमार मिश्रले जानकारी दिए ।

---

पर्नेहरुमा जनकपुरधाम उपमहानगरपालिका ४ का गणेश साह, बेचन साह, वडा नं. १ का संजिप ठाकुर, वडा नं. २ का विनय साह, वडा नं. ५ का कैलाश प्रसाद गुप्ता, बद्री साह र शिवु मण्डल रहेको प्रहरीले जनाएको छ ।