संसदीय दलको विधान परिवर्तन गर्न तीन सदस्यीय समिति

हेटौंडाः एमाले बागमती प्रदेशको संसदीय दलको बैठकले विधान शंसोधन गर्न केशवराज पाण्डेको संयोजकत्वमा ३ सदस्यीय समिति गठन गरेको छ । समितिको सदस्यमा नारायण शिलवाल र उर्मिला कर्मचार्य छन् ।

बुधबार ललिपुरको च्यासलमा बसेको दलको बैठकमा चैत्र २७ गते प्रदेश सभा बैठक बस्ने सहमति बनेको एमाले संसदीय दलका सचेतक केशवराज पाण्डेले बताए । प्रदेश सभा सभामुख सानुकुमार श्रेष्ठसँग छलफल गरेर सदन नियमित सुचारु गरिने उनले जानकारी दिए ।

---

बागमती प्रदेशको मुख्यमन्त्री डोरमणि पौडेलको अध्यक्षतामा बसेको बैठकमा एमाले नेतृ अष्टलक्ष्मी शाक्यलगायत प्रदेश सांसदहरूको उपस्थिति थियो ।