बालेनलाई भेटेपछि कार्यपालिका बैठकमा वडाअध्यक्ष रिजालले भने- फुटपाथका व्यापारीबाट राजस्व उठाउनुपर्छ

काठमाडौँ- सडकपेटीमा व्यापार गर्नेहरूबाट राजस्व उठाउनुपर्ने काठमाडौँ महानगरपालिका-१६ का अध्यक्ष मुकुन्द रिजालले बताएका छन् । आइतबार कार्यपालिका बैठकमा उनले फुटपाथ व्यापारीबाट राजस्व संकलन गर्नुपर्ने माग गरेका हुन् ।

त्यस्तै खानेपानी तथा ढल व्यवस्थापनका लागि उनले सरकारसँग रकम माग गर्नुपर्ने धारणा राखेका छन् । उनले प्रश्‍न गर्दे भने, ' ढल व्यवस्थापनको काम महानगरले गर्ने तर, खर्च महानगरले किन नपाउने?'

---

फोहोर व्यवस्थापनका लागि काठमाडौँ महानगरलगायत अन्य स्थानीय तहले पनि उत्तिकै योगदान गर्नुपर्ने उनले बताए ।

अघिल्लो कार्यपालिका बैठकमा आक्रोशित रिजाल यसपटकको बैठकमा नरम बनेर प्रस्तुती दिएका छन् । हिजो मात्र मेयर बालेन्द्र शाहले रिजालको घरमा गएर भेटघाट गरेका थिए ।