हेटौंडामा बालेन-सुनिता

मकवानपुर- काठमाडौँ महानगरपालिका मेयर बालेन शाह र उपमेयर सुनिता डंगोल एक कार्यक्रमका लागि हेटौंडा आइपुगेका छन् । 

संघीय सरकार र बागमती प्रदेश सरकारको संयुक्त आयोजनामा हुन लागेको अभिमुखिकरण कार्यक्रममा सहभागी हुन हेटौंडा आइपुगेका उनीहरूलाई स्थानीय मिडिया र युवाहरू चासोका साथ प्रतिक्रिया लिइरहेका छन् । काठमाडौँ महानगरको योजनाबारे हेटौंडा उपमहानगरवासीले पनि चासो राख्नु स्वभाविक भएको होटल व्यवसायी विजय बासुकलाले बताए । 

---

बागमती प्रदेशका १ सय १९ वटै स्थानीय तहमा निर्वाचित प्रमुख र उपप्रमुखका लागि आयोजना गरिएको अभिमुखीकरण कार्यक्रममा सहभागी हुन काठमाडौँ महानगरपालिकाको मेयर शाह र उपमेयर डंगोलसहित प्रदेशमा स्थानीय तहको निर्वाचित प्रमुख र उपप्रमुखहरू हेटौंडामा आइपुगेका छन् । 

कार्यक्रम आज बिहान ९ बजेबाट सुरूभई भोलिसम्म चल्ने मुख्यमन्त्री तथा मन्त्रिपरिषद्‌को कार्यालय अधिकृत अच्युत लामिछानेले बताए । सहभागीहरू हिजै हेटौंडा आइपुगेका छन् ।