अफिम र गाँजासहित तीन पक्राउ

हेटौँडा : मकवानपुर प्रहरीले छुट्टाछुट्टै स्थानबाट अफिम र लागूऔषध गाँजासहित तीन जनालाई पक्राउ गरेको छ । मकवानपुरको राक्सिराङ गाउँपालिका-५ स्थित चैनपुरबाट अफिमसहित एक जनालाई प्रहरीले पक्राउ गरेको हो ।

आइतबार २७ वर्षीय देवेन्द्र तामाङले बोकेको झोला चेकगर्दा लागूऔषध अफिम एक किलो ६ सय ग्राम बरामद गरिएको जिल्ला प्रहरी कार्यालय मकवानपुरले जनाएको छ । यसैगरी राक्सिराङ गाउँपालिका-५ स्थित सडकमा कालिकाटारबाट मनहरी तर्फ जाँदै गरेको ग १ ख ४३३९ नम्बरको यात्रुबाहक बसलाई चेकगर्दा प्रहरीले ७ किलो ५ सय ग्राम गाँजा बरामद गरेको छ । गाँजासहित  कैलाश गाउँपालिका-४ का ५२ वर्षीय सानु कान्छा चेपाङ र ३६ वर्षीय गोपाल सिं लोप्चनलाई प्रहरीले पक्राउ गरेको हो । 

---

उनीहरुलाई जिल्ला प्रहरी कार्यालय मकवानपुरमा ल्याएर थप अनुसन्धान सुरु गरिएको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिए ।