मकवानपुरमा ५ हजार ८०९ जना मतदाता थपिए

मकवानपुर - मकवानपुरमा झण्डै ६ हजार मतदाता थपिएका छन् । आगामी मङ्सिर ४ मा हुने प्रतिनिधि तथा प्रदेश सभा निर्वाचनमा लागि मकवानपुरमा ५ हजार ८ सय ९ जना मतदाता थपिएका हुन् ।

 मकवानपुरमा गत वैशाखमा भएको स्थानीय तह निर्वाचनमा भन्दा ५ हजार ८ सय ९ जना मतदाता थपिएको निर्वाचन आयोगले जनाएको छ । आयोगका अनुसार थपिएका मतदाता मंसिर ३ गतेसम्म १८ वर्ष पुग्नेहरुको समेत अभिलेख अनुसार रहेको छ ।  

---

आगामी मङ्सिरमा हुने निर्वाचनका लागि मकवानपुरमा १ लाख ५३ हजार ५ सय २८ पुरुष, १ लाख ४७ हजार २ सय महिला र अन्य ५ जना गरी ३ लाख ७ सय ३३ मतदाता कायम भएको छ ।

गत वैशाखमा भएको स्थानीय तह निर्वाचनमा मकवानपुरमा १ लाख ४४ हजार ५ सय ९५ जना महिला, १ लाख ४९ हजार ९ सय ५४ पुरुष र अन्य ६ जना गरी २ लाख ९४ हजार ९ सय १९ जना मतदाता रहेका थिए । मकवानपुरमा  १ सय ६७ मतदान स्थलमा ३ सय ६४ मतदान केन्द्र तय भएको छ ।

यस्तै आगामी मङ्सिरमा हुने निर्वाचनमा प्रतिनिधि सभा क्षेत्र नम्बर १ मा ७४ हजार ९ सय ३० पुरुष, ७५ हजार २ सय २१ महिला र अन्य ४ गरी १ लाख ५० हजार १ सय ५५ मतदाता रहेका छन् ।

प्रतिनिधि सभा क्षेत्र नम्बर २ मा ७८ हजार ५ सय ९८ पुरुष, ७१ हजार ९ सय ७९ र अन्य १ जना गरी १ लाख ५० हजार ५ सय ७८ मतदाता कायम भएको निर्वाचन आयोगले प्रकाशित गरेको मतदाता नामावलीमा उल्लेख छ । प्रतिनिधि सभा निर्वाचन क्षेत्र नं. १ मा ६२ मतदान स्थल र १ सय ७२ मतदान केन्द्र तथा निर्वाचन क्षेत्र नं. २ मा मतदान स्थल १ सय ५ र मतदान केन्द्र १ सय ९२ वटा कायम भएका  छन् । 

यसैगरी मकवानपुरमा प्रतिनिधि सभा क्षेत्र नं. १ को प्रदेश सभा निर्वाचन क्षेत्र नं. १ मा पुरुष ४० हजार १ सय ११, महिला ३७ हजार ८ सय ७७ र अन्य १ गरी कुल मतदाता ७७ हजार ९ सय ८९ जना तथा प्रदेश सभा निर्वाचन क्षेत्र नं। २ मा पुरुष मतदाता ३४ हजार ८ सय १९, महिला ३७ हजार ३ सय ४४ र अन्य ३ जना गरी ७२ हजार १ सय ६६ मतदाता कायम भएका छन् ।

यस्तै प्रतिनिधि सभा निर्वाचन क्षेत्र नं. २ को प्रदेश सभा निर्वाचन क्षेत्र नं. १ मा पुरुष मतदाता ४२ हजार ८ सय ४३, महिला मतदाता ४० हजार २ सय ५५ र अन्य १ जना गरी ८३ हजार ९९ जना तथा निर्वाचन क्षेत्र नं. २ मा पुरुष मतदाता ३५ हजार ७ सय ५५ र महिला ३१ हजार ७ सय २४ गरी ६७ हजार ४ सय ७९ जना रहेका छन् । 

प्रतिनिधि सभा १ को प्रदेश सभा निर्वाचन क्षेत्र नं. १ मा मतदान स्थल ४७ र मतदान केन्द्र ९५,  प्रदेश सभा २ मा मतदान स्थल १५ र मतदान केन्द्र ७७ तथा प्रतिनिधि सभा क्षेत्र नं. २ को प्रदेश सभा क्षेत्र नं. १ मा मतदान स्थल ५६ र मतदान केन्द्र १०८, प्रदेश सभा २ मा मतदान स्थल ४९ र मतदान केन्द्र ८४ रहेको आयोगले जनाएको छ ।