थापाथलीमा रहेका अनधिकृत संरचनामा महानगरकाे डोजर

काठमाडौँ- काठमाडौँ महानगरपालिकाले काठमाडौँको थापाथली बागमती किनारमा रहेका अनधिकृत संरचनामा डोजर लगाएको छ ।

शुक्रबार थापाथलीमा रहेको रुद्रेश्वर महादेव भजन मण्डल, साइबाबा भवन र क्रियापुत्री भवनमा महानगरले डोजर लगाएको हो । यसअघि बागमती सभ्यताले अनधिकृत संरचना भत्काउन खोजेको थियो । तर, असफल भएपछि महानगरलाई अनधिकृत संरचनामा भत्काइदिन आग्रह गरेको थियो । बागमती किनारमा रहेका अनाधिकृत संरचनालाई निरन्तर हटाउने महानगर प्रहरी प्रमुख राजु पाण्डेले जानकारी दिए ।

---

महानगरले अनधिकृत संरचना हटाउने अभियान नै चलाएर विभिन्न स्थानमा डोजर लगाइएको छ ।