अवैध चिरान काठ बरामद

हेटौँडा- मकवानपुर प्रहरीले जिल्लाको पुर्वी क्षेत्र बकैयाको धियालबाट अवैध चिरान काठ बरामद गरेको छ । बकैया वडा नम्बर ७ चिसापानी खोल्सी कालापानी पाखा अन्तरेडाडाँस्थित राष्ट्रिय वनभित्र बेवारिसे अवस्थामा सालको चिरान काठहरू रहेको भन्ने खबर प्राप्त हुनासाथ आस्थाई प्रहरी पोष्ट धियालबाट खटि गएको प्रहरी टोलीले उक्त चिरान काठ फेला पारेको जनाइएको छ । 

प्रहरीले  ७७ थान (४३.४१ क्युफिट) सालको चिरान काठ फेलापारी बरामद गरेको र आवश्यक कारबाहीको लागी अस्थाई वन कार्यलय बकैया हात्तिसुडेमा बुझाएको जनाइएको छ ।
 

---