लागूऔषधसहित तीन जना पक्राउ

मकवानपुर- मकवानपुर प्रहरीले हेटौंडाको सानोपोखराबाट लागूऔषध खैरो हिरोइनसहित तीन जनालाई  पकाउ गरेको छ ।

जिल्ला प्रहरी कार्यालय मकवानपुरबाट खटिएको प्रहरी टोलीले हेटौँडा उपमहानगरपालिका- ५ सानोपोखराबाट १ ग्राम ४ सय ६० मिलिग्राम खैरो हिरोइनसहित उनीहरूलाई पक्राउ गरेको हो ।

---

पक्राउ पर्नेमा हेटौंडा–१४ मयुरधाप बस्ने २८ वर्षीय रोविन श्रेष्ठ, हेटौंडा–११ थानाभर्‍याङ बस्‍ने २५ वर्षीय अनिष चौलागाईं र हेटौंडा–२ कान्तिराज पथ बस्ने २३ वर्षीय विकाश कार्की रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले बताए ।

प्रहरीले सानोपोखरामा ना ४८ प ९००५ नम्बरको मोटरसाइललाई रोकी जाँच गर्दा १ ग्राम ४ सय ६० मिलि ग्राम खैरो हेरोइन र सानो डिजिटल तराजु १ थानसहित श्रेष्ठ, चौलागाईं र कार्कीलाई पक्राउ गरेको कार्कीले जानकारी दिए ।