हेटौंडामा जोर–बिजोर प्रणाली

हेटौंडा : बागमती प्रदेशको राजधानी हेटौंडामा आइतबारबाट निजी सवारी सधानमा जोर बिजोर प्रणाली लागू हुने भएको छ । हेटौंडामा संचालन हुने कार, मोटरसाइकल, टेम्पो, म्याजिक, अटो, मयुरी लगायत सबै निजी सवारीमा जोर बिजोर प्रणाली लागू हुने मकवानपुरका प्रमुख जिल्ला अधिकारी भरतमणी पाण्डेले जानकारी दिए ।

हेटौंडा बजार क्षेत्रमा मानिसहरुको भिडभाड बढेको भन्दै थप संक्रमण निम्त्याउन सक्ने भएकाले जोर बिजोर प्रणाली लागू गर्ने निर्णय गरिएको उनले बताए । यस्तै सार्वजनिक स्थलमा मास्क नलगाउनेलाई संक्रामक रोग ऐन, २०२० बमोजिम कारबाही गरिने भएको छ । 

---

कोभिड–१९ सम्बन्धी जनस्वास्थ्यको मापदण्ड पालना भए नभएको अनुगमन गर्न सहायक प्रमुख जिल्ला अधिकारी चिरञ्जीवि शर्माको संयोजकत्वमा शुक्रबार ७ सदस्यीय समिति गठन गरिएको छ ।