बागमतीमा जम्कट्टेलले लिए सपथ, तीन सदस्यीय मन्त्रिपरिषद्‌ गठन

मकवानपुर- बागमती प्रदेशको मुख्यमन्त्रीमा हिजो नियुक्त भएका शालिकराम जम्कट्टेलले आज सपथ लिएका छन् । उनले मुख्यमन्त्रीको सपथ लिएसँगै ३ सदस्यीय मन्त्रिपरिषद्‌समेत गठन गरेका छन् । अन्य दुई मन्त्रीहरूले पनि सपथ लिएका छन् । प्रदेश प्रमुखको कार्यालयमा मुख्यमन्त्री जम्कट्टेलले प्रदेश प्रमुख यादवचन्द्र शर्माबाट सपथग्रहण गरेका थिए । 

आजै सत्ता गठबन्धनमा रहेको ठूलो दल नेकपा एमाले संसदीय दलका नेता जगन्नाथ थपलिया र राप्रपा संसदीय दलका नेता उद्धव थापाले पनि  शपथ लिए । थपलियाले भौतिक पुर्वाधार मन्त्रालय पाएका छन् भने, थापाले बिनाविभागीय मन्त्रीको सपथ लिएका हुन् ।

---

प्रदेशमा एमालेले ५, माओवादीले ४, राप्रपा र समाजवादीले २/ २ र हाम्रो नेपाली पार्टीले १ गरी १४ मन्त्रालयमा दाबी गरेका छन्। मुख्यमन्त्री जम्कट्टेलले १४ वटा मन्त्रालय कटौती गरेर घटीमा ९ र बढीमा ११ कायम गर्ने बताएका छन् ।

बागमती प्रदेशमा नेकपा एकीकृत समाजवादीसहित ५ दलको ७० जना सांसदहरू समर्थनमा सरकार बनेको हो ।