हेटौंडामा निषेधाज्ञा अटेर गर्ने ५ पसलेलाई कारबाही

हेटौंडा : हेटौंडामा जारी निषेधाज्ञाको अवज्ञा गर्दै पसल संचालन गर्ने ५ पसलेलाई प्रहरीले पक्राउ गरेको छ । निषेधाज्ञाबीच सटर खुला राखेर सामान बिक्रि गरिरहेको अवस्थामा प्रहरीले उनीहरूलाई पक्राउ गरेको हो । 

उनीहरूलाई प्रमुख जिल्ला अधिकारी भरतमणी पाण्डेले एक सय रुपैयाँको दरले जरिवाना गरेका छन् । संक्रामक रोग ऐन, २०२० बमोजिम उनीहरूलाई एक सय रुपैयाँको दरले जरिवाना गरिएको र दिनभर होल्ड गराएर बेलुका छाडिएको प्रमुख जिल्ला अधिकारी पाण्डेले बताए । निषेधाज्ञाको अवज्ञा गरेर पसल संचालन गरेमा १ महिना कैद सजाय तोक्ने प्रजिअ पाण्डेले चेतावनी दिएका छन् ।

---