बकैयामा ट्रक दुर्घटना हुँदा आगलागी

मकवानपुर- मकवानपुरको बकैया गाउँपालिकामा ट्रक दुर्घटना हुँदा आगलागी भएको छ । 

बकैया ५ तिनतल्लेमा हेटौंडाबाट सिन्धुली तर्फ जादै गरेको  ना. ७ ख ५०४५ नम्बरको सिमेन्ट लोड ट्रकको इन्जनमा समस्या भइ नालीमा खस्दा आगलागी भएको अस्थायी प्रहरी प्रहरी पोष्ट गरगरे बकैयाका प्रहरी सहायक निरीक्षक राम शंकर यादवले जानकारी दिए । 

---

मदन भण्डारी राजमार्गको हेटौंडा सिन्धुली सडकखण्डको तिनतल्लेमा जेठ २९ गते राती ११ बजेको समयमा भएको ट्रक दुर्घटनाबाट लागेको आगो हेटौंडा उपमहानगरपालिकाको दमकल तथा प्रहरीको सहयोगमा नियन्त्रणमा लिइएको मकवानपुर प्रहरीले जनाएको छ । 

ट्रकको भाग जलेर नष्ट भएको प्रहरीले जनाएको छ ।