बागमती पहिरो : पुरिएकामध्ये शिलाको शव भेटियो

मकवानपुर- पहिरोले पुरीएकामध्ये अर्को एउटा शव फेला परेको छ । मंगलबार बिहान पहिरोमा परेर बेपत्ता भएकामध्ये एक महिलाको शव फेला परेको छ । 

सिन्धुली जिल्ला हरिहरपुरगढी गाउँपालिका-१ कोकरेस्थित बागमती नदिको बीच बगरमा मकवानपुर बागमती गाउँपालिका-५ सिक्रे दोभान बस्ने अन्दाजी ६० वर्षीय अक्कल बहादुर स्याङ्तानको छोरी अन्दाजी २२ वर्षीया शिला पहरी मृत अवस्थामा फेला परेकी छिन् । 

---

ससस्त्र प्रहरी बल नेपाल १४ नं गढ हेडक्वाटर मकवानपुरबाट सहायक प्रहरी नायब उपरीक्षकको कमाण्डमा सिन्धुलीतर्फ खटिएको उद्धार टोलीले दुवै जनाको लास फेला पारेको मकवानपुर प्रहरीले जनाएको छ ।

प्रहरीले यस अघि अक्कलबहादुरको पनि शव भेटिएको भनेर गरेको रिपोटिङ सच्याएको छ । 'उहाँको खोजि जारी, कपडा भेटिएको हो शव हैन' जिल्ला प्रहरी कार्यालय मकवानपुरका प्रवक्ता टेकबहादुर कार्कीले भने । पहिरोमा परेर बेपत्ता भएका अझै ४ जनाको खोजि कार्य जारी रहेको कार्कीले बताए ।