२९५ एम्पुल लागूऔषध डाईजेपामसहित एक पक्राउ

मकवानपुर - जिल्ला प्रहरी कार्यालय मकवानपुरले २९५ एम्पुल लागूऔषध डाईजेपाम सहित १ जनालाई नियन्त्रणमा लिएको छ ।

इलाका प्रहरी कार्यालय पशुपतिनगर र प्रहरी चौकी रातोमाटे मकवानपुरबाट खटिएको संयुक्त प्रहरी टोलीले जिल्ला मकवानपुर हेटौडा १५ चुरियामाई स्थित सडकमा सवारी साधनहरु रोकी चेकजांच गर्ने क्रममा बिरगंजबाट हेटौडा तर्फ आउंदै गरेको बा प्र ०३९००१ ख ०३०५ नं को यात्रुबाहक माइक्रो बसमा सवार जिल्ला पर्सा पोखरिया नगरपालिका वडा ९ पोखरिया बस्ने बर्ष २३ को जुगेश्वर राउत कुर्मीलाई नियन्त्रणमा लिएको हो । 

---

कुर्मीको साथमा लुकाइ ल्याएको औषधि डाईजेपाम १०० एम्पुल, फेनार्गन ८६ एम्पुल र नुफिन ९९ एम्पुल बरामद गरेको छ । 

कुर्मीलाई नियन्त्रणमा लिई थप अनुसन्धान कार्य भइरहेको जिल्ला प्रहरी कार्यालय मकवानपुरले जनाएको छ ।