चितवनमा ७ दिन थपियो निषेधाज्ञा

चितवनः चितवनमा निषेधाज्ञा अवधि थप गरिएको छ । जेठ २० सम्म जारी निषेधाज्ञालाई थप गरेर २७ गतेसम्म पुर्‍याइएको हो । चितवनका प्रमुख जिल्ला अधिकारी प्रेमलाल लामिछानले कोभिड जोखिम कायम रहेकोले निषेधाज्ञा थप गरेको जानकारी दिए ।

चितवनमा तरकारी पसल, दुध डेरी, माछा मासु पसल, अण्डा, चल्ला, खाद्यान्न लगायतका व्यवसाय बिहान ६ बजेदेखि ९ बजेसम्म संचालन गर्न पाइनेछ । दुध डेरी भने साँझ ५ बजेदेखि ७ बजेसम्म संचालन गर्न पाइने उनले बताए । यस्तै अन्य अतिआवश्यक व्यवसाय र बैंक भने सातामा आइतबार, मंगलबार र बिहीबार तीन दिन खोल्न पाउँने भएको छ ।

---

यसैगरी मकवानपुर जिल्लामा पनि निषेधाज्ञा थप हुने भएको छ । जेठ २० गते राति १२ बजेबाट जारी निषेधाज्ञा सकिँदै छ । जेठ ३१ गतेसम्म निषेधाज्ञा थप गरेर निषेधाज्ञा खुकुलो गर्दै लैजाने बारे अहिले जिल्ला कोभिड संकट व्यवस्थापन केन्द्रको बैठकमा छलफल भइरहेको छ ।