मकवानपुरमा जेठ ३१ गतेसम्म लम्बाइयो निषेधाज्ञा

हेटौंडाः मकवानपुरमा जारी निषेधाज्ञा जेठ ३१ गतेसम्म लम्बाइएको छ । बुधबार मकवानपुरका प्रमुख जिल्ला अधिकारी भरतमणि पाण्डेले जेठ २० गते राति १२ बजेदेखि ३१ जेठ राति १२ बजेसम्म निषेधाज्ञा थप गरेका छन् । 

अब खाद्यान्न पसल, दुध, माछामासु, फलफुल, अण्डा, तथा तरकारी वितरण गर्ने पसल बिहान ४ बजेदेखि  ८ बजेसम्म खुल्न पाउँनेछन् । यसअघि खाद्यान्न पसललगायत अतिआवश्यक पसल पनि प्रशासनले बन्द गरेको थियो । प्रशासनले जोखिमको अवस्था हेरेर विस्तारै सबै व्यवसाय संचालन गर्न दिने जनाएको छ । 

---

मकवानपुर प्रशासनको यस्तो निर्णय गरेसँगै दुग्ध किसानहरुमा खुशि छाएको छ । यसअघि दुध बिक्री नभएर चिन्तित बनेका कृषक राजेन्द्र नहर्की दुध विक्रि गर्न पाउने भएपछि खुशि भएका छन् । अब दुध विक्रि केन्द्रहरू बिहान एक समय खोल्न पाइनेछ । 

जारी निषेधाज्ञा केही खुकुले पारिए पनि हेटौंडाको हकमा भने खोपेगल्लीको सबै पसल र बसपार्कको माछाबजार तथा तरकारी बजार पूर्ण रूपमा गरिने भएको छ । यस्तै हप्तामा ३ दिन आइतबार, मंगलबार र बिहीबार बैंक खुल्नेछ भने अन्य वित्तिय संस्थाहरू, फाइनान्स, आइएमी, इन्सोरेन्स, सहकारी सबै बन्द रहने प्रमुख जिल्ला अधिकारी भरतमणि पाण्डेले जानकारी दिए ।