प्रदेश सभामा नियमित उपस्थित हुने ६ सदस्य सम्मानित

काठमाडौँ - बागमती प्रदेशले प्रदेश सभामा नियमित उपस्थित हुने ६ जना प्रदेश सभा सदस्यहरुलाई सम्मान गरेको छ । प्रदेशको स्थापना दिवसको अवसर पारेर प्रदेशले प्रदेश सभा सदस्यहरुलाई सम्मान गरेको हो । 

प्रदेश सभाको बैठकमा नियमित उपस्थित हुने रमेश पौड्याल, शोभा शाक्य, घनश्याम दाहाल, बुद्धिमान माझी, रामलाल महतो, विजया श्रेष्ठ केसीलाई सम्मान गरेको छ । 

---

उनीहरुलाई प्रदेश प्रमुख  यादवचन्द्र शर्माले सम्मान गरेका हुन् । चार वर्षमा तीन वटा सरकार पाएकाे  प्रदेशले चौथो स्थापना दिवस विविध कार्यक्रम गर्दै मनाएको छ ।