हेटौंडामा मिस मकवानपुर सिजन-३ सौन्दर्य प्रतियोगिता हुने

हेटौंडा : हेटौंडामा मिस मकवानपुर सिजन–३ सौन्दर्य प्रतियोगिता हुने भएको छ । कलिउड सुपर डान्स एन्ड फिटनेस प्रालि एवम् स्पाक्लिङ सिज प्रालिको सहकार्यमा मिस मकवानपुर सिजन–३ हेटौंडामा हुने भएको हो । कलिउड सुपर डान्स एन्ड फिट्नेस प्रालिका सञ्चालक सुजन श्रेष्ठले प्रतियोगिताको अडिसन आगामी जेठबाट सुरुभई भदौ अन्तिसम्म ग्राण्ड फिनाली हुने जानकारी दिए ।

प्रतियोगिताको उपाधि विजेताले चाँदीको ताज र नगद एक लाख रुपैयाँ तथा विभिन्न आकर्षक पुरस्कार प्राप्त गर्नेछन् । उपविजेताले नगद ५० हजार रुपैयाँ, तृतीय हुनेले नगद २५ हजारसहित आकर्षक पुरस्कार प्राप्त गर्नेछन् भने भ्यूअर्स च्वाइसले नगद २० हजार रुपैयाँ प्राप्त गर्नेछन् ।

---

प्रतियोगितामा सहभागी हुन १६ वर्ष पूरा भई २८ वर्ष ननाघेका अविवाहित नेपाली नागरिक हुनुपर्ने छ । सहभागीको उचाई ५ फिट हुनुपर्नेछ भने शैक्षिक योग्यता एसईई उत्तीर्ण हुनुपर्ने आयोजकले जनाएको छ । प्रतियोगितामा २८ लाख रुपैयाँ खर्च हुने आयोजकले जानकारी दिएको छ ।

मिस मकवानपुरलाई एक वर्षसम्म म्यानेजमेन्ट कलेजले ब्राण्ड एम्बेस्डर बनाउने

मिस मकवानपुरलाई हेटौंडा स्कूल अफ म्यानेजमेन्टले १ वर्षसम्म ब्रान्ड एम्बेस्डर बनाउने कलेजका प्रिन्सिपल पुरणबहादुर जोशीले बताए । उनले सौन्दर्य प्रतियोगिताको विजेता बनेर समाजमा योगदान पु¥याउन सक्नुपर्ने भन्दै मिस मकवानपुर हुनेको भविष्य उज्जवल रहेको बताए । सौन्दर्य प्रतियोगितामा सहभागी हुनेहरूले सौन्दर्य व्यवसाय तथा सौन्दर्यसम्बन्धी विविध कार्यक्रम गर्दै समाज परिवर्तनमा अहम् भूमिका खेल्नसक्नुपर्ने उनको भनाइ थियो ।