बागमती

बाहिर क्लिनिक खोलेको अभियोगमा दुई चिकित्सक बर्खास्त

इकागज |
चैत १, २०७७ १६:२२ बजे

हेटौँडाः हेटौँडा अस्पतालमा कार्यरत दुई जना चिकित्सकलाई अस्पतालले आइतबारबाट लागू हुने गरी बर्खास्त गरेको छ । अस्पतालमा कार्यरत जनरल सर्जन विशेषज्ञ डा. साजिद अन्सारी र छाला तथा यौनरोग विशेषज्ञ डा. बुद्धिराज पाण्डेलाई बर्खास्त गरेको हो ।

डा. अन्सारी विगत ३ वर्षदेखि र डा. पाण्डे दुई वर्षदेखि हेटौंडा अस्पतालको करारमा रहेर काम गर्दै आएका थिए । अस्पतालको नियमविपरीत कार्य गरेको भन्दै अस्पताल विकास समितिले उनीहरूलाई बर्खास्त गरेको जनाएको छ । 

अस्पताल समयमा निजि क्लिनिकमा गएरमा काम गर्ने तथा हेटौंडा अस्पतालका बिरामीलाई आफ्नै निजि क्लिनिकमा बोलाउने कार्य गर्दै आएका उनीहरूलाई हेटौंडा अस्पताल विकास समितिले यसअघि पनि पटक-पटक स्पष्टिकरण सोधेको थियो । उनीहरूलाई दुई पटकसम्म अस्पतालले निलम्बन पनि गरेको थियो ।

अस्पतालका अध्यक्ष प्रकाश पौडेलका अनुसार अस्पतालमा बिरामीको सेवा नगर्ने तथा जनताको सेवा नगर्ने भएपछि बर्खास्त गर्नुपरेको बताए । हाल अस्पतालमा दुई जना सर्जन उलब्ध छ । रिक्त पदको आजभोलि नै विज्ञापन गरेर चिकित्सक नियुक्त गर्ने तयारी गरेको उनले जानकारी दिए । 
 



Author

थप समाचार