प्रथम बागमती प्रदेश खेलकुद : फुटबलको उपाधि मकवानपुरलाई

मकवानपुर–घरेलु मैदानमा भएको फुटबल प्रतियोगितामा विजयी हुँदै मकवानपुरले शिल्ड र एक लाख हात पारेको छ । प्रदेश खेलकुद विकास परिषद् बागमती प्रदेशको आयोजनामा भएको प्रथम खेलकुद प्रतियोगिता अन्तरगत फुटबलको उपाधि मकवानपुरले हात पारेको हो । 

आज आइतबार भएको फाइनल खेलमा ललितपुरलाई ट्राइबेकरमा ३–० गोल अन्तरले हराउँदै मकवानपुरले फुटबलको उपाधि हात पारेको हो ।

---

खेलको पहिलो हाफको ४ मिनेटमा ललितपुरका विक्की महर्जनले गोल गर्दै टोलीलाई अग्रता दिलाए ।  तर, त्यो धेरै समय टिक्न सकेन । अग्रत लिएको तीन मिनेट पछि मकवानपुरका ललित चौलागाईंले बललाई जाली चुमाउँदै बराबरी बनाए । खेलको ३६ औं मिनेटमा मकवानपुरका समिरराज थोकरले थप एक गोल गरेर टोलीलाई खेलमा फर्काए । 

खेलको ६४ मिनेटमा ललितपुरका रोहित गिरीले एक गोल फर्काउदैं गोल बराबरीमा पु¥याएका थिए । निर्धारित समयमा बराबरी खेलेपछि खेल ट्राइबेकरमा धकेलिएको हो। ट्राइवेकरमा मकवानपुरले ललितपुरलाई ३–० गोल अन्तरले हराउदैं उपाधि हात पारेको हो ।   विजेता बनेको मकवानपुरले शिल्ड, एक लाख नगद सहित मेडल र प्रमाणपत्र प्राप्त गरेका छन् भने उपविजेता ललितपुरले  शिल्ड, ८० हजार नगद, प्रमाणपत्र र मेडल प्राप्त गरेका छन् ।

विजेता उपविजेतालाई नेपाली कांग्रेस संसदीय दलका नेता इन्द्र बहादुर बानियाँले शिल्ड, नगद र प्रमाणपत्र प्रदान गरेका थिए ।

क्रिकेटमा धादिङ र मकवानपुर फाइनल प्रवेश  

चितवनको गौतमबुद्ध अन्तर्राष्ट्रिय क्रिकेट रंगशालामा जारी क्रिकेट खेलमा धादिङ र मकवानपुर फाइनल प्रवेश गरेको छ । आज भएको पहिलो खेलमा टस जितेर बलिङ मकवानपुरले बलिङ रोजेको थियो । मकवानपुरलाई चितवनले २० ओभरमा ४ विकेट गुमाएर १३५ को लक्ष्य दिएको थियो । मकवानपुरले लक्ष्य पुरा गर्न १३.४ ओभरमा ३ विकेट गुमाएर १३६ रन बनाउदैं ७ विकेटले विजयी हुदैं मकवानपुर फाइनल प्रवेश छ ।   

त्यस्तै, दोस्रो खेलमा टस जितेर काभ्रेले वलिङ रोजेको थियो । धादिङले काभ्रेलाई ५ विकेट गुमाएर २० ओभरमा १९४ रनको लक्ष्य दिएको थियो । काभ्रे १० विकेटको क्षतिमा १४.३ ओभर खेल्दै ३९ रनमै सिमित हुन पुग्यो ।

धादिङ १५५ रनले विजयी हुदैं फाइनल प्रवेश गरेको छ । सोमबार धादिङ र मकवानपुरबीच फाइनल खेल हुने खेल संयोजक प्रेम बहादुर क्षेत्रीले बताए । 

एथलेटिक्स खेल सुरु

काठमाडौंको दशरथ रंगशालामा आजबाट एथलेटिक्स अन्तरगतका खेलहरु सुरु भएका छन् । सिन्धुपाल्चोकको चौतारा कभर्डहलमा भोलिबाट कराँते खेल तथा काभ्रेमा महिला फुटबल र ९ गतेदेखि बक्सिङ खेल प्रतियोगिता हुने परिषद् सदस्य सचिव सुर्यलाल भण्डारीले बताए ।

प्रतियोगिताको लागि आठ करोड ४ लाख रकम खर्च हुने अनुमान गरेको छ । विभिन्न खेलमा करिब २ हजार भन्दाबढी खेलाडीले सहभागिता जनाउनेछन् । खेलको समापन कार्यक्रम १२ गते शनिबार काभ्रेको धुलिखेलमा हुनेछ ।