चैतभित्र हातहतियार बुझाउनु पर्ने

मकवानपुर–इजाजत प्राप्त हातहतियार चैतभित्र बुझाउनु पर्ने भएको छ । स्थानीय तहको निर्वाचनलाई भरभर्दो एवं विश्वसनीय बनाउन जिल्ला भित्र रहेका इजाजत प्राप्त हातहतियारहरु चैत मसान्तभित्र बुझाउनु पर्ने भएको हो ।

जिल्ला प्रशासन कार्यालय मकवानपुरले चैतभित्र इजाजत प्राप्त हातहतियार बुझाउन सम्बन्धितलाई अनुरोध गरेको छ । प्रशासन कार्यालय मकवानपुरका सहायक प्रमुख जिल्ला अधिकारी बद्रीनाथ गैह्रेले शुक्रबार सूचना जारी गर्दै इजाजत प्राप्त हातहतियार नजिकको प्रहरी चौकीमा बुझाउन अनुरोध गरेका हुन् ।

---

केन्द्रीय सुरक्षा समितिको निर्णय अनुसार प्रशासन कार्यालय मकवानपुरले इजाजतपत्र प्राप्त हातहतियारहरू निर्वाचन पश्चात् फिर्ता हुनेगरी चैत्र मसान्तभित्र नजिकको प्रहरी इकाईमा बुझाउन सूचना जारी गरेको हो ।

त्यस्तै, आगामी वैशाख ३० गते हुने स्थानीय तहको निर्वाचनको दृष्टिगत गर्दै जिल्ला प्रशासन कार्यालय धनुषाले पनि इजाजत प्राप्त हातहतियार बुझाउन अनुरोध गरेको छ ।
जिल्ला प्रशासन कार्यालयले एक सूचना जारी निर्वाचनलाई भरपर्दो एवं विश्वसनीय बनाउन जिल्ला भित्र रहेका इजाजत प्राप्त हातहतियार चैत मसान्त बुझाउन अनुरोध गरेको हो ।
ती हतियार नजिकका प्रहरी इकाईमा बुझाउन अनुरोध गर्दै निर्वाचन सम्पन्न पश्चात हतियार धनीले फिर्ता प्राप्त गर्न सक्ने समेत सूचनामा भनिएको उल्लेख गरिएको छ । सूचनाको बर्खिलाप गए कानून बमोजिम कारवाही गरिने चेतावनी समेत प्रमुख जिल्ला अधिकारी सुरेन्द्र पौडेलद्वारा हस्ताक्षरित सूचनाबाट जानकारी दिइएको हो ।