गठबन्धन आगामी चुनावसम्म रहन्छ : नेपाल

पोखरा- नेपाल कम्युनिष्ट पार्टी (एकीकृत समाजवादीका) अध्यक्ष माधवकुमार नेपालले आगामी निर्वाचनसम्म गठबन्धन रहने बताएका छन् । ४४ औं पुष्पलाल स्मृति दिवसको सन्दर्भमा आयोजित विचार गोष्ठीमा उनले तालमेल गर्न जटिल भएपनि आगामी निर्वाचनसम्म अहिलेकै गठबन्धनको तालमेल हुने बताएका हुन् ।

तालमेल गर्दा पार्टीको नेतृत्वदायी भूमिका र समग्रमा पार्टी भावना अनुसार हुने उनले जिकिर गरे । स्थानीय निर्वाचनको नतिजालाई सबै दलले सन्तोषजनक रूपमा लिएको भन्दै उनले यसैलाई आधार मानेर निर्वाचनमा जाने बताए । ‘अहिले कसै-कसैले अन्य तरिकाबाट अनेक थरिका कुरा गर्न थालेका छन् तर गठबन्धन टुट्नेवाला छैन,’ उनले भने, ‘आउने चुनावसम्म गठबन्धन कायमै रहन्छ यसका लागि हाम्रो तर्फबाट अवश्य पनि बहस र छलफल हुन्छ ।’

---

उनले कसैले गठबन्धन गर्दा यो या त्यो बहानामा ठूलो भाग खोजेको खण्डमा टुलुटुलु हेरेर नबस्‍ने बताए । शक्ति बनाउने कुरामा कुनै कसर बाँकी नराख्‍ने उनको भनाइ थियो ।