गण्डकीमा ४ कोभिड-१९ स‌क्रमितको मृत्यु

पोखरा : गण्डकी प्रदेशमा थप ४ जनको कोभिड-१९ स‌क्रमितको मृत्यु भएको छ । स्वास्थ्य निर्देशनालय गण्डकीकाअनुसार मृत्यु हुनेमा कास्कीका २ तथा स्याङ्जा र म्याग्दीका १/१ जना छन् ।
 
कास्कीको पोखरा महानगरपालिका २५ का ९१ वर्षीय कोरोना संक्रमितको आज बिहान करिब ६ बजे मेडिप्लस अस्पतालमा उपचारका क्रममा ज्यान गएको छ । उनमा वैशाख ७ गते कोरोना देखिएको थियो । उनी कोभिड-१९ सँगै पल्मुनरी अरेस्टबाट ग्रस्त थिए । 

पोखरा १ का ५५ वर्षीया महिला संक्रमितको पनि उपचारकै क्रममा ज्यान गएको छ । आज मध्यान्हमा उनको मेडिप्लस अस्पतालमा ज्यान गएको हो । वैशाख ११ गते संक्रमण पुष्टि भएकी उनमा निमोनियाको समस्या थियो । 

---

स्याङ्जा वालिङ नगरपालिका १२ का ५८ वर्षीय संक्रमित पुरुषको आज लुम्बिनी मेडिकल अस्पतालमा ज्यान गएको छ । उनमा वैशाख ११ गते संक्रमण देखिएको थियो । वैशाख १२ गते संक्रमण पुष्टि भएका म्याग्दी रघुंगगा गाउँपालिका ३ का ७८ वर्षीय संक्रमितको पोखरामा उपचारका क्रममा ज्यान गएको स्वास्थ्य निर्देशनालयले जनाएको छ । गण्डकीमा संक्रमणका कारण मृत्यु हुनेको संख्या २१५ पुगेको छ ।