गण्डकी प्रदशेका सांसदको पीसीआर परीक्षण गरिँदै

पोखरा : गण्डकी प्रदेश सभाका सबै सांसदको कोभिड-१९ परीक्षण गरिने भएको छ । मंगलबार सत्तारुढ नेकपा एमालेका सांसदले परीक्षणविना सदन चल्न नदिने भन्दै अवरोध गरेका थिए । पछि बसेको संसदीय कार्यव्यवस्था तथा परामर्श समितिको बैठकमा आज नै सांसदहरूको परीक्षण गर्ने निर्णय भएको हो । आज कोरोना परीक्षण गरे भोलिसम्म नतिजा आउने र सदन बस्ने समितिको निर्णय छ । 

एमाले सांसद कृष्णबहादुर थापाले भोलि सदन बस्ने र पोजेटिभ आउने सांसदले बोल्न नपाउने तर मत हाल्न पाउने बताए । ‘अविश्वास प्रस्तावमा मत हाल्न दिने तर बोल्न नदिने भन्ने कुरा छ,’ उनले भने ।

---